Биби

За ингээд хөгтэй адал явдлын эцэст хүсэн хүлээж байсан газраа ирж найзтайгаа уулзлаа. Эхний өдөр ч яахав хэчнээн ядарч байсан ч гэсэн хотоор баахан зугааллаа. Temple of Heaven Park-аар зугаалж Vicki-ийн 2 найзтай уулзаж танилцаваа. Орой нь Бээжингийн ажилчдын цэнгэлдэх хүрээлэн орж бокс үзлээ. Хэдийгээр тэр орой Монголын тамирчин тоглоогүй ч үнэхээр сайхан байлаа. Энэ шөнө лав хэзээ ч унтаж байгаагүйгээрээ нам унтсан байх. Одоо бодсон чинь л ядарчихлаа. Уг нь зурагнуудаа оруулаад байя гэж бодсон чинь миний computer жоохон мангартаад болдоггүй ээ. Дараа нь бүх зургаа оруулнаа. Дараагийн өдөр: Бороо орж байсныг эс тооцвол дажгүй шүү. Бороо орсон нь ч сайн юм болсон. Тэгээгүй бол майр халуун өдөр хөлсөө урсгах байсан биз. Өглөө босоод "Шувууны үүр"-д орох билетээ очиж аваад. Энд бас 2 хүнтэй цуг явснаа дурдахгүй өнгөрч ёстой болохгүй нь. Vicki-ийн маань аав ээж 2. Их алиа хөгжилтэй бас их сайхан зантай шүү. Тэгээд Vicki бид 2 цааш явсаар Шувууны үүр-д ирлээ. Тун дажгүй шүү. Үгүй ээ ер нь гайхалтай гэж хэлэх юм байна. Бид атлетик үзлээ. Урд талаасаа 4-р эгнээнд сууж байсан болохоор нь ер нь л их дажгүй. Өдөржингөө л сэтгэл хөдөлсөн хүн явлаа. Олимпийн хотхон нь манай Улаанбаатар шиг юмөө. Ямар ч машин байхгүй. Настай хүмүүсийг зөөж байсан ганц хоёр minivan л харагдсан. Бараг цаг очерлож байж олимпийн дэлгүүрт нь орлоо. Тэр дотор олимпгүй юм гэж алгөө. Гэрийнхэндээ бас найздаа ганц хоёр юм авав. Орой нь Vicki-ийнхээ гэрийнхэнтэй хоолонд ороод эртний Хятадын гудамжаар зугааллаа. Дэлгүүрүүд нь их таалагдсан. Гар урлалын, цаасан, шаазан гээд жинхэнэ Хятадыг санагдуулам юм байна. Бээжин миний төсөөлж байснаас хамаагүй дээр хот байлаа.